LONG SORROW
Një nga veprat më prekëse dhe misterioze të Sala: një pamje e gjatë dhe e ngadaltë zbulon brendësinë e një apartamenti në një ndërtesë moderniste në Berlin që banorët e kanë mbiquajtur “Ankesa e gjatë” ose “Trishtim”. Jashtë dritares mund të shohim një saksofonist që po improvizon një rapsodi të egër teksa është i varur 30 metra nga toka, i varur si një figurë në skajin e një ndërtese që përmbledh aspiratat dhe dështimet e ideologjisë moderniste të shekullit të 20-të. Ashtu si shumë vepra të tjera të Sala, Long Sorrow gërsheton muzikën dhe arkitekturën në një vizion gjithëpërfshirës, abstrakt të historisë, një rekuiem të sinkopuar për iluzionet e mëdha që ndezën shekullin e 20-të: modernitetin, utopinë, barazinë dhe përjashtimin.
Anri Sala lindi në vitin 1974 në Tiranë. Ai është një artist bashkëkohor mediumi primar i të cilit është video. Ai studioi arte pranë Akademisë së Arteve të Tiranës nga viti 1992 deri në vitin 1996, video në Shkollën e Arteve Dekorative të Parisit, si edhe regjisurë në Le Fresnoy-Studio National des Arts Contemporains, Tourcoing. Anri punon dhe jeton në Berlin. Disa prej punëve të tij janë: Jepmë Ngjyrat (Dammi i Colori) – 2005, Trishtimi I Gjatë (Long Sorrow) – 2005, Intervista – 1999, Nocturnes – 1999, 1395 Ditë pa të Kuqen – 2011. Sala ka marrë pjesë në shumë ndër aktivtetet më të rëndësishme ndërkombëtare si, Bienalja Europjane Manifesta – 2001, Bienalja e Venedikut – 2003; Bienalja e Stambollit – 2003, Bienalja e Tiranës – 2003 – 2009; Bienalja e Sidnejt – 2006, Documenta – 2012. Ai është gjithashtu fitues i një sërë çmimesh prestigjioze ndërkombëtare, ndër të cilat Çmimi për Artistin e Ri në Bienalen e Venedikut 2003, Çmimi Gilles Dussein – 2000, dhe Absolut Award – 2011